第4次患癌或能活8年 羅家英放棄化療電療
出版日期: Thursday, July 10, 2025
文本大小:
78歲羅家英日前自爆第4次患癌，被醫生斷定打針吃藥就可以存活多約8年，但仍決定唔會做任何化療和電療，要舒舒服服地向朋友講拜拜。日前，羅家英出席《第62屆亞太國際電影節年度頒獎禮》為其擔任頒獎嘉賓，睇起上嚟精神相當飽滿。
羅家英早前於活動上接受傳媒訪問，亦係公開病情後首度受訪，表示目前身體幾好，透露現時須定期做檢查及接受針藥治療，亦指出治療期間有4大副作用，包括糖尿增高、貧血、唔多夠氣、身體變虛弱，需要比以前更多休息時間，成日要瞓覺。對於病情，則表示自己需要定期檢查，指醫生話佢糖尿好嚴重，除咗打針，遲啲更加要去睇泌尿科醫生，打女性荷爾蒙針。對於羅家英患癌拒做化療和電療，汪明荃表示羅家英現時身體狀況唔錯，未來會有好多新藥，尊重對方決定；羅家英於活動上被問到汪明荃有否貼身照顧佢，佢就回答指：「佢被我看護！」，又指汪明荃和藹咗，瞪大雙眼暗示汪明荃相當嚴厲。
羅家英未有完全叫停工，早前更為莫文蔚演唱會擔任嘉賓，演唱《西遊記第壹佰零壹回之月光寶盒》搞笑名曲《ONLY YOU》，又透露與朱茵合作嘅話劇尚未演出完畢，仍有鄭州、西安等多個分站。
